Желден қуат аламыз

Қостанай облысының аумағында қуаты 50 МВт болатын алғашқы «Ыбырай» жел электр станциясы салынуда. Облыс әкімі Архимед Мұхамбетовтың айтуынша, жобаны жүзеге асыруға 26,3 млрд теңге жұмсалуы тиіс. Қаражат жеке инвестициялар есебінен алынған.
Бүгінде 16 жел энергия қондырғысының 7-і орнатылды. Олардың әрқайсысының қуаттылығы – 3,2 МВт. 35/110 кВ көтеру қосалқы станциясы, 110 кВ желі, 35 кВ желі монтаждалған жел электр қондырғыларына және әкімшілік-тұрғын аймаққа дейін салынған. 
Жел генераторлары Қытайдан жеткізілген. ҚХР-дан жел қондырғыларының жабдықтарын жеткізу жаңартылды, жақын арада қалған жел диірмендері мен электр беру желілерін монтаждау басталады. Сынақ аясында 17 тамызда 5 жел электр станциясы іске қосылды. Іске қосу-жөндеу жұмыстары жалғасуда.

Айтолқын АЙҚАДАМОВА