Жөні бөлек жаңашылдық

Бүгін елімізде ауыл әкімдерінің сайлауы болып жатыр. Бұл жолғы сайлаудың ең бірінші артықшылығы – ауыл әкімін халықтың өзі сайлайды. Бұған дейін өзіміз білетіндей аудандық  мәслихат сайлайтын. Енді халық өзі сайлаған соң олар ең бірінші халықтың алдына өздерінің бағдарламаларын ұсынды. Демек, халық таңдау жасай алды. Алдағы уақытта да ауыл әкімінен өздері сайлағандықтан, барлық мәселені сұрап, талап ете алады.

Екінші бір жақсы жағы – ауыл әкімінің лауазымына өз-өздерін ұсынуға да мүмкіндік туады. Бұл – қолынан іс келетін азаматқа жол ашу. Өзін жетілдіру. Осындай талаптары бар жаңадан енгізіліп жатқан ауыл әкімдерін сайлауға қатысты жаңа өзгерісті құптаймын. Қашанда таңдау көп болғаны дұрыс деп есептеймін. Мұнан кейін ауыл әкімдері халықтың үмітін ақтап, өз міндеттерін абыроймен атқара берсін деп тілеймін. Ел алдында көбірек есеп беріп, атқарған жұмыстары жайында түсіндіріп, кездесулер өткізіп тұрғаны құба-құп.

 

Дүйсенғали Оспанов,

«Үміт-Надежда» қоғамдық бірлестігінің төрағасы