Үгіт жұмыстары ойдағыдай
2021 жылғы 25 шілдеде Ауыл, кент, ауылдық округ әкімдерін сайлауы өтеді. Бұл саяси науқанға Лисаков қаласына қарасты Октябрь кенті де қызу дайындық үстінде. Өздеріңіз білетіндей, ауылдық округтердің әкімдері мәслихаттардың депутаттары болып сайланды, бірақ енді олар жергілікті халықтың тікелей дауыс беруімен сайланатын болады. Ауыл әкімдерінің алдағы сайлауы – саяси жаңғырудың жаңа кезеңін білдіретін өте маңызды оқиға.
«Қазақстан Республикасындағы сайлау туралы» Заңның 113-3-бабына сәйкес саяси партия бір сайлау округінде бір ғана кандидат ұсынуға құқылы. Заңға сәйкес, «Nur Otan» партиясының Лисаков қалалық филиалы кезектен тыс конференцияда бір кандидатты ұсынды, оның бағдарламасы тиісті аумақтың өзекті мәселелерін шешуге бағытталған.
Кандидат пен оның сенім білдірген адамдары үгіт-насихат жұмыстарын жүргізіп, 14 шілдеде басталып, 23 шілдеге дейін жалғасады. Бүгінгі таңда 30-ға жуық іс-шара өткізілді. Үгіт-насихат жұмыстары аяқталғанға дейін 50-ден астам іс-шара өткізу жоспарлануда.
Гүлзада Мұхамадиева,
«Nur Otan» партиясы Лисаков қалалық филиалы төрағасының бірінші орынбасары.
