Талап күшейтілмек
Қазақстан Республикасы Білім және ғылым министрі А.Сәрінжіпов педагогтік білім беру жөніндегі республикалық кеңес өткізді.
Еліміздегі жоғары оқу орындарының педагогикалық білім беру саласындағы қызметін дамыту, жетілдіру және үйлестіру бойынша күшін біріктіру мақсатында педагогтік білім беру жөніндегі осы кеңес үстіміздегі жылы құрылған-ды.
Кеңес барысында педагог кадрларды даярлауды жетілдіру секілді, атап айтқанда, педагогтарды даярлаудың проблемалары мен перспективалары, білім беру реформасы, жалпы білім беретін мектептерді педагогтік кадрлармен қамтамасыз ету, шетелдік әріптес-тердің қатысуымен Назарбаев Университетінің тәжірибесін ескере отырып педагогикалық мамандықтар бойынша білім беру және дайындық бағдарламаларының мәселелері қаралды. Кеңес қорытындысында педагог кадрларды даярлауды әрі қарай жетілдіру мәселесі бойынша ұсыным қабылданды.
