Картоп егіп, кәсібін дамытты
"Жұмыспен қамту жол картасы–2020" бағдарламасы 3 бағытта жүзеге асырылады. Еліміздің әрбір азаматы осы бағыттардың біріне қатысып: оқыту курсынана өтуіне, мамандығы бойынша жұмыс табуына немесе жеке ісін ашуына, ұлғайтуына болады. Бағдарламаның екінші бағыты "Жеке кәсіпкерлік істі қолдау" бойынша қатысуға тілек білдірген азаматтар, жұмыспен қамту орталықтарына хабарласады, оларға бағдарлама шеңберінде шағын несиені алудың және басқа да қосымша мемлекеттік қолдаудың мүмкіндіктері туралы мамандар кеңес береді.
Бүгін біз бағдарламамыздың қатысушысы Қайрат Құлманов туралы сөз қозғаймыз. Қайрат Жұмақанұлы еліміздің азаматы, осында туып өскен. Өмірінде жеке кәсіпкер боламын деген ой тумаған еді, бірақ тәуелсіз мемлекетіміздің қалыптасып, өркендеп келе жатқан жылдарында, жеке ісі туралы ойлана бастады. Үнемі "оны қалай бастау керек?" деп ойланатын. БАҚ-да "Жұмыспен қамту жол картасы–2020" мемлекеттік бағдарламасы туралы оқып, қабырғасымен кеңесіп, тәуекелге бел буып, жеке іспен айналысуға шешім қабылдады. Қайрат көкөніс өсіруге ниет білдіріп, оның ішінде картоп өсіру кәсіпкерлігі бойынша ұсыныс арызын берді. Бастапқыда ол бағдарламаның шағын кәсіпкерлікті жүргізу бойынша міндетті оқыту курстарынан өтті. Бұл курстарда "Жұмыспен қамту–2020" бағдарламасы жаңа мүмкіндіктер ашқаны туралы ақпарат алды. Жарты жыл ішінде барлық құжаттары рәсімделіп, мақұлданды және Қайрат Жұмақанұлы өз кәсібін ашуға 2,6 млн. теңгенің иегері атанды. Алынған қаражатқа қартоптың розалинд, ред скарлетт, гала 3 түрінің тұқымын алуға жұмсады. Қазіргі таңда ағамыздың ісі алға басып келеді, алда үлкен жоспарлар күтіп тұр.
Былтырғы жылы Науырзым ауданында "Жұмыспен қамту жол картасы–2020" бағдарламасы бойынша 75 млн. теңгеге несие берілді, 9 жаңа өндіріс ашылды, 28 қатысушы мал шаруашылығын дамытуға, 1 адам өз кәсібін ұлғайтуға несие алды.
