Ендігі мақсат – ел қатарлы өмір сүру
Мүмкіндігі шектеулі жандар қоғам назарынан тыс қалмайды. Оларды жұмыс-пен қамтып, тұрмыс жағдайын жақсарту мәселесі – Елбасы жүктеген маңызды міндеттердің бірі. Рудный қаласында осы мақсатта жұмыспен қамту және әлеу-меттік бағдарламалар бөлі-мінің ұйтқы болуымен тындырымды істер атқарылып жатыр. Мәселен жыл басынан бері кеншілер шаһарында түрлі санаттағы 24 мүгедек жұмысқа орналасыпты. Солардың қатарында 3-ші топтағы мүгедек Ербол Жүнісбеков те бар.
Ербол Өзбекстанның Науаи облысына қарасты Зафарабад қаласында туып өскен. Жасы 28-де. Жоғары білімді. Науаи мемлекеттік педагогикалық институтын "Информатика және математика" мамандығы бойынша тәмамдаған. Осы уақытқа дейін мұғалімдік қызметтен басқа паспорттық столда да жұмыс істеген. Бір қыз бен ұлдың әкесі. Өткен жылы атамекеніне оралған оған екі қолға бір күрек табу қиынға соғады.
– Жұмыс іздеп жарты жылдай сандалғаным рас. Ақыры болмаған соң Рудный қаласы әкімінің көмегіне жүгіндік. Әкімдік көп ұзамай жұмыспен қамту және әлеуметтік бағдарламалар бөлімі арқылы мені "КЕГОК" АҚ материалдық техникалық қамту бөліміне жұмысқа орналастырды, – дейді Ербол.
Жас жігіт өзіне берілген жауапты міндеттерді тез игеріп алған. Әріп-тестерінің айтуынша, жұмыста зерек, әр істі тиянақты орындайды. Бұдан бөлек компанияның қоғамдық өміріне де белсене араласады.
"КЕГОК" АҚ "Сарыбай жүйеаралық электр тораптары" филиа-лының директоры Қайрат Қарасековтың айтуынша, компанияда 436 адам жұмыс істейді. Соның ішіндегі 4-і – мүгедектер санатында.
– Қам көңіл жандарға қамқорлық көрсету – біздің басты міндетіміз. Филиалымыз энергетика саласымен тығыз байланысты болған соң, бізде энергетик, электр-монтаждаушы, электр ұстасы сияқты мамандар жұмыс істейді. Ал төзімділік пен табандылықты қажет ететін мұндай жұмыстарға он екі мүшесі сау адамның өзі жарай бермейді. Егер де медициналық комиссиядан сәтті өтіп жатса, қолда бар мүмкіндікті аянып қалмаймыз. Елбасы Н.Ә.Назарбаев биылғы ел халқына Жол-дауында Қазақстан мүмкін-дігі шектеулі жандар үшін кедергісіз аймаққа айналуы тиіс деді. Біз бұл бастаманы толығымен қолдаймыз, – дейді Қайрат Ізбасарұлы.
Ербол Бекзатұлы қол ұшын созып, жұмыс тауып берген қалалық әкімдік пен компания басшылығына дән риза.
– Ойымдағы жұмысымды таптым. Ұжымға тастай батып, судай сіңіп кеттім. Әріптестерім бір-біріне үлкен құрметпен қарайды. Ендігі мақсат – ел қатарлы өмір сүріп, көпұлтты мемлекетіміздің өркендеп, дамуына өзіндік үлесімді қосу, – дейді Ербол.
Қуаныш СЕЙДОЛЛАҰЛЫ.
Суреттерде: Ербол Жүнісбеков пен оның бастығы Қайрат Ізбасарұлы.
