Жайдарманның жартылай финалы

Облыс орталығындағы балалар шығармашылық үйінде  «Жайдарман» облыстық «Ашық» лиганың жартылай финал ойыны болып өтті.

Екі күнге созылған әзіл кешіне көршілес облыстардан да «Жайдарман» топтары қатысты. Облыстық жастар саясаты мәселелері жөніндегі басқарма мен «Қазақстан КВН Одағы»  Қостанай КВН филиалы тікелей мұрындық болуымен өткен сайыс өте тартымды болды.

Көрермендер де көп жиналды. Жалпы биылғы ойын «Әдебиет маусымы» деп аталғандықтан топтар ақтық мәреге өту үшін барын салды. Бірақ сайыс болғандықтан оның жеңімпаздары болуы шарт. Сондықтан, бұл жолы да тартымды әзілдері мен әдемі қалжыңдары көрермендердің жүрегінен жол тапқан «Дарын құрамасы»,  «Сөз жетпес», «Заңгер»,  « Құрдастар»,  «Депутат»,  «Бес сауық»  жайдарман  топтары  алдағы  желтоқсан айында ақтық сынға қатысып, өзара жеңімпазды анықтамақ.