Шахматшымен кездесті

Қостанайлық жастар облысымыздағы танымал шахматшы Аманкелді Оралбаевпен кездесті.

Аталмыш іс шара "Көшбасшымен кездесу" деген атаумен өтті. Кездесуді "Нұр Отан" партиясы ҚОФ жанындағы "Жас Отан" ЖҚ ұйымдастырды. Оның мақсаты – жастарды белсенді өмірге тарту және оларды Қостанай облысындағы танымал тұлғалардың өмірімен таныстыру. Кезекті кездесуде өңірімізге белгілі шахмат спорты бойынша жаттықтырушы А.Оралбаев өзінің өмір жолы мен спорттағы табыстары туралы кеңірек әңгімеледі. Студенттер мен оқушылар сұрақтарын қойып, шахмат спорты туралы тың деректерге қанық болды. Жастардың кейбірі жаттықтырушы А.Оралбаевтың шәкірті болғысы келетіндерін жасырмады.

– Шараның "Көшбасшымен кездесу" деп аталуы тегіннен тегін емес. Себебі, кездесуге облысымыздағы танымал азаматтар, әр салада жетістікке жеткен шығармашылық иелері шақырылды. Олардың табысты еңбек жолы кейінгі толқынға өнеге. Бұл жобаға қалалық мәслихаттың депутаты Т.Антонинова, бокстан спорт шебері И.Дычко, облыстық соттың бас маманы М.Адамбаев қатысқан болатын, – деді "Жас Отан" ЖҚ атқарушы хатшысы Ерлан Тулетаев.

Қымбат

       ДОСЖАНОВА