Сын ескеріледі
Қарасу ауданында аудан әкімі Виктор Радченконың қатысуымен Сыбайлас жемқорлыққа қарсы іс-қимыл мәселелері жөніндегі өңірлік комиссияның кезектен тыс отырысы өтті.
Комиссия мүшелерін аудан әкімі аппаратының басшысы Сағит Нұғырбеков аймақта сыбайлас жемқорлықтың алдын алу бойынша жүргізіліп жатқан саясатпен, азаматтар үшін қолайлы жағдай жасау, ішкі талдаулардың сапасы туралы хабардар етті, оның айтуынша, 2021 жылы ауданның барлық мемлекеттік органдарында сыбайлас жемқорлық тәуекелдеріне ішкі талдау жүргізу көзделген.
Қазақстан Республикасы Сыбайлас жемқорлыққа қарсы іс-қимыл Агенттігі Департаменті басшысының бірінші орынбасары Данияр Смағұлов комиссия отырысы аясында спикердің сөйлеген сөзіне түсініктеме беріп, сыбайлас жемқорлық тәуекелдеріне ішкі талдау мемлекеттік органдар мен ұйымдарды сыбайлас жемқорлықтың қандай да бір алғы шарттарының алдын алу құралы болып табылатынын атап өтті. "Бүгін әрбір мемлекеттік орган осындай тәуекелдерді өз бетінше анықтауға мүдделі болуы тиіс, өткен жылы сіздің өңірде аталған жұмыс жүргізілген, алайда жұмыс сапасы нашар, 2020 жылы жүргізілген 25 талдаудан сіздермен бір ғана сыбайлас жемқорлық тәуекелі анықталған» – деді ол.
Сонымен қатар, ол комиссия мүшелерін тек қол астындағылардың сыбайлас жемқорлық үшін ғана емес, сыбайлас жемқорлық құқық бұзушылықтардың өсуі мен сыбайлас жемқорлыққа қарсы іс-қимыл мәселелеріндегі әрекетсіздік үшін басшылардың жауапкершілігін көздейтін сыбайлас жемқорлыққа қарсы заңнаманың жаңашылдықтары туралы хабардар етті.
Өз кезегінде, аудан әкімі Виктор Радченко аталған ескертулердің барлығы жүргізілетін ішкі талдаулардың сапасына назар аудара отырып және осы жұмысқа қоғамдық ұйымдардың кең ауқымын тарта отырып, сыбайлас жемқорлықтың алдын алу жөніндегі жұмысты одан әрі ұйымдастыруда ескерілетінін айтты.
