Майлин ауданында – жаңа имам

Қостанай облысының бас имамы Бахытбек қажы Тәжімбет Бейімбет Майлин ауданында жұмыс сапарымен болды.

Бас имам алдымен аудан әкімі Қайсар Мыржақыповпен кездесіп, өңірдегі діни ахуал жайлы әңгімелесті. Аудан басшысы да руханият саласында атқарылып жатқан жарқын істер туралы баяндады.

Бахытбек қажы жергілікті мешіт жамағатына ауданның жаңа бас имамы Ислам Хамзинді таныстырып, оның қызметіне табыс тіледі. Сондай-ақ «Ихсан және Жастар» атты рухани танымдық кешке қатысып, басқосудың мәні мен алда тұрған міндеттерге кеңінен тоқталды.

Осы сапар барысында аталмыш ауданның Тобыл бекетіндегі «Ажар» мешітінде жолаушыларға арналған «Жолаушы бөлмесіне» барды.

–Бұл сапар өте нәтижелі болды. Өйткені, біз ұлт мақтанышы Бейімбет Майлин атындағы ауданда ғұмыр кешіп жатқан ағайындардың қазіргі қиын кездегі көңіл-күйін біліп, өзіміздің тағылымы мол уағыздарымызбен олардың рухын көтердік. Әрқашан да ұйымшылдық танытып, бір жағадан бас, бір жеңнен қол шығарғанда ғана көздеген мақсатымызға жетеміз, – деді Бахытбек Нұрғабылұлы.