“БРО” дуэті жеңімпаз!
Қостанайлық ағайынды әншілер – Айдар және Бекболат Жазықбаевтардың "БРО" дуэті "Х Фактор" байқауының жеңімпазы атанды. Еліміздегі ең масштабты тележобаның гранд финалында жерлестеріміз халықтың ең көп дауысын жинады.
Айдар мен Бекболат тележобаның алғашқы күнінен-ақ әншілік дарындарымен қазылар алқасын тәнті етіп, соңғы айналымға дейін сүрінбей өтіп келді. Мінекей, бүгін шешуші сәт, суперфиналда да сәтті өнер көрсетіп, екі бірдей қарсыластан оза шауып, барлық жанкүйерлерінің үміті мен сенімін ақтай ақтай алды… Айтқандай, осымен 8-ші мәрте өткен телебайқаудың тарихында жеңіс тұғырынан көрінген алғашқы топ та, Қостанай облысынан тұңғыш рет "Х Фактор" атанған үміткер де осы "БРО" дуэті болып отыр. Айдарларынан жел ескен жеңімпаз жерлестеріміз байқаудың басты жүлдесі 7 миллион теңгені қанжығаларына байлады. Бұл жобадағы жеңіс Айдар мен Бекболатқа қазақ эстрадасының сахнасына төте жол салып берді деп те айта беруге болатындай. 
Құтты болсын, қос қыран! Құтты болсын, Қостанай!
Толығырақ газетіміздің алдағы санынан оқи аласыздар.
