Төрт сот бірігіп брифинг өткізді

Қостанай облысының мамандандырылған ауданаралық экономикалық соты, облыстық мамандандырылған ауданаралық кәмелетке толмағандар ісі бойынша соты, Қостанай қаласының мамандандырылған ауданаралық әкімшілік соты және облыстық мамандандырылған ауданаралық қылмыстық соты үстіміздегі жылдың тоғыз айында атқарылған жұмыстар нәтижесін қорытындылады.

Сот төрағалары мерзім ішіндегі жұмыс барысын баяндап, статистикалық көрсеткіштерге тоқталды. Мәселен, экономикалық сот төрағасы С.Нұров өткен жылмен салыстырғанда қаралған істер саны артқанмен жеке кәсіпкерлер мен заңды тұлғаларды ақтау және банкрот деп тану сатысындағы істердің азайғандығын айтты. Сондай-ақ, брифингте мәлім болғандай, облыстың кәмелеттік жасқа толмағандар ісі жөніндегі соттың қарауындағы істердің басым бөлігі балалардың ұрлық жасауына қатысты  көрінеді.

Кездесу соңында сот төрағалары қоғамдық талқылауларға түскен істер бойынша БАҚ өкілдерінің сауалдарына жауап берді.

 

Қарлығаш Оспанова