Қостанай Астанаға 550 тонна өнім жөнелтті

Бүгін Қостанай облысынан Астанаға 550 тонна өнім тиелген автоколонна шықты. Онда ұн, көкөністер, өсімдік майының түр-түрі, ет және кондитерлік өнімдер бар.  

Елуден астам қостанайлық ауылшаруашылық тауарын өндірушілер елордалық жәрмеңкеде өз өнімдерін арзандатылған бағамен сатады.

Облыстық ауыл шаруашылығы басқармасының берген мәліметіне қарағанда ,   Қостанай облысы Астанадағы күзгі жәрмеңкеге осымен  төртінші жыл қатарынан  азық-түлік автоколоннасы жөнелтілуде.  Бұл жолы өнім мөлшері  400-ден 550 тоннаға дейін артты. Бұл елордалық тұрғындардың қостанайлық өнімдерге деген сұранысының артуына байланысты болып отыр.

 

Сурет Алау сайтынан алынды