Серік Манасбаев: Бизнеске көрсетілген қолдау орасан

Бүгін қалалық мәслихат депутаттығына кандидат Манасбаев Серік Шотбайұлы тікелей эфирде "Nur Otan" партиясы сайлауалды бағдарламасының негізгі тармақтарын таныстырып, даму басымдықтарын атап өтті.

Эфирде мына сұрақтар басты назарға алынды:
– Бизнестің экономикалық белсенділігін арттыру үшін партия нені жоспарлап отыр?
– Жаңа бастаған кәсіпкерлер немесе жаңа ғана бизнес ашуды ойластырып жүрген адамдар үшін қандай мүмкіндіктер бар?
"Тұрақтылықты сақтау үшін шағын және орта бизнес дағдарыс жағдайында айтарлықтай қолдау алды:
– covid-19 пандемиясынан зардап шеккен шағын және орта бизнесті қолдау үшін жеңілдетілген кредит беру бағдарламасы бойынша екінші деңгейдегі банктер 16,1 млрд-тан астам теңге көлемінде 81 кредит берді;
– 40,8 млн теңге 77 жаңа бизнес-жобаны құру үшін гранттарға қарастырылған;
– Жұмыспен қамтудың жол картасы аясында жобаларға 19,7 млрд теңге бөлінді, бұл 5 295 жаңа жұмыс орнын құруға мүмкіндік береді;
– 3 айға 109 коммуналдық меншік нысаны бойынша 18 млн теңге жалдау ақысы алынып тасталды;
– несиелер бойынша айыппұлдар мен өсімпұлдарды есептеуге мораторий енгізілді;
– зардап шеккен ЖК мен ШОБ кредиттері бойынша міндеттемелерді орындауды кейінге қалдыру енгізілді" – деп түсіндірді кандидат.
Сайлауға 6 күн қалды. Сіз қай сайлау учаскесіне тіркелгеніңізді біліңіз. Ол үшін kostanayelection.kz сайтына кіріп, ЖСН енгізу қажет, сөйтіп сайлау учаскеңізді анықтайсыз. Азаматтық белсенділігіңізді көрсетіп, сайлауға барыңыз!

«Nur Otan» партиясы Қостанай қалалық филиалының сайлау қоры қаражатынан төленді.