Мәди Нұрмұхамбетов: Нақты іс-шараларды ұсынып отырмыз
"Есіктен есікке" акциясын аясында қалалық мәслихат депутаттығына кандидат Мәди Мейрамханұлы Нұрмұхамбетов Әуежай шағын ауданының тұрғындарымен кездесу өткізді. ⠀
"Халықпен жүзбе-жүз әңгімелескен жақсы. Әрине, қазіргі жағдайға байланысты сақтық ережелерін естен шығармаған абзал. Көзбе-көз сөйлесу арқылы тұрғындардың сұрағына егжей-тегжейлі жауап беріп, көңіл-күйін, қал-ахуалын жақыннан білесің", – деді кандидат кездесу туралы. ⠀
Партия бағдарламасы Қостанай қаласын кешенді дамытуға бағытталған.
"Біз қаламызды қарқынды дамып келе жатқан бәсекеге қабілетті экономикаға және адамдардың жайлы өмір сүруіне жайлы аймаққа айналдыратын нақты іс-шараларды ұсынамыз", – дейді ол. ⠀
Мәди Мейрамханұлы идеялармен алмасуға дайын және ашық екенін, сондай-ақ, қаламыздың дамуы мен өркендеуі үшін азаматтармен және қоғамдық бірлестіктермен кең ынтымақтастық туралы мәлімдеді.
«Nur Otan» партиясы Қостанай қалалық филиалының сайлау қоры қаражатынан төленді.
