Бағытбек Сандыбеков: Бір мүддеге біріге білуіміз керек

Қалалық мәслихат депутаттығына кандидат Бағытбек Назарбекұлы Сандыбеков 7-ші шағын ауданның тұрғындарымен кездесті.
Қолайсыз ауа райы кездесуге еш кедергі келтірген жоқ, азаматтар кандидатты жылы шыраймен қарсы алды.
"Азаматтардың бір мүдде жолында, мәселелерді шешуде бірігіп, белсенділік танытуы – қаламыздың табысты дамуының кепілі. Бізге жергілікті атқарушы органдар мен қоғам арасындағы өзара қарым-қатынастың мүлдем жаңа сипатын қалыптастыру қажет. Ынтымақың басты қағидаттары ашықтық, есептілік және сыбайлас жемқорлыққа қарсы іс-қимыл болуға тиіс", – деп атап өтті Бағытбек Назарбекұлы.
Тұрғындар 7-ші шағын ауданында жолдың жөнделгеніне, жаңа тұрақ орындары мен автобус аялдамалары пайда болғаны үшін "Nur Otan" партиясына алғыстарын білдірді.

"Біздің партия Қостанай қаласы тұрғындарының сеніміне сай болу үшін, жұртшылықтың мүддесін қорғап, халық пен билік арасындағы байланыстырушы буын ретінде әрекет ету үшін барлық қажетті шараларды қабылдайтын болады. Біз сіздерді қалалық мәслихаттағы сайлауда "Nur Otan" партиясын қолдауға шақырамыз", – деді кандидат.

«Nur Otan» партиясы Қостанай қалалық филиалының сайлау қоры қаражатынан төленді.