Техникамен қамту лайықты деңгейде
Қостанай облысының медициналық ұйымдарын компьютерлік техникамен жабдықтау және интернет желісіне қол жеткізу үлесі 100% құрайды. Бұл туралы баспасөз конференциясы аясында облыс әкімі А.Мұхамбетов айтты.
"Жыл басынан бері компьютерлік томографтармен жабдықтау 1,8 есеге, цифрлық рентгенмен жабдықтау 1,3 есеге, өкпені жасанды жеделдету аппараттарымен жарақтандыру 1,8 есеге ұлғайды. Оттегі нүктелері 83-тен 939 бірлікке дейін ұлғайтылды, 642 оттегі концентраторы бар", – деді аймақ басшысы.
Бұдан басқа, санитариялық автокөлікпен және реанимобильдермен жабдықтау 1,4 есе өсті, сондай-ақ 10 жылжымалы медициналық кешен сатып алынды.
