Мәдениет ошағы жаңа кейіпке енбек

Бұрын қазақ драма театры болған ғимарат бүгінде қалалық Мәдениет сарайы. Көп жылдардан бері жөндеу көрмеген мәдениет ошағы бүгінде жаңару үстінде. Мұнда толығымен жөндеу жүріп жатыр. Жұмыс барысымен облыс әкімі Н.Садуақасов танысты.

Мәдениет үйі толығымен өзгермек. Сахна төрі концерт, өзге де шаралар өткізуге сай болады. Облыс әкімі: "ең бастысы залдың акустикасы лайықты болғанын қадағалаңыздар. Себебі, жақында ғана салынған қазақ тетарының залы жаңғырып, ауа айналымы тар екенін көреміз. Отырып, қойылым тамашалауға қолайсыз екенін мойындауымыз керек. Осындай олқылық болмауы үшін жөндеу жұмыстары барысында арнайы мамандар шақырып, ақылдасқан дұрыс", – деді.

Биылғы жылы жөндеу жұмыстарына 100 млн.теңге бөлініп, игерілген. Бұл жер келешекте жастар да бас біріктіріп, жұмыс істейтін, жақсы өнер ордасына айналмақ.

Айтолқын

       АЙҚАДАМОВА