Қош бол, фонограмма

Мемлекет басшысы Қасым-Жомарт Тоқаев «Қазақстан Республикасының кейбір заңнамалық актілеріне мәдениет мәселелері бойынша өзгерістер мен толықтырулар енгізу туралы» ҚР Заңына қол қойды, – деп хабарлайды Dalanews.kz ақпараттық агенттігі Ақордаға сілтеме жасап.Жаңа заңда электронды кітапханаларды жұмысын жүйелеу, еліміздегі шығармашылық одақтардың жұмысын мемлекет тарапынан қолдау көрсету мәселелері жан-жақты қарастырылған.

Бұдан басқа мәдениет саласын реттейтін заңда әншілердің фонограмманы қолдануы да заңмен реттелген. Бұдан былай үлкен сахнада аузын жыбырлатып, «ән салатын» жұлдыздарға фонограммамен өнер көрсетуге заңмен тиым салынады. Жалпы, бұл мәселе көптен бері жұрттың талқылауында болған еді. Енді осы түйткіл түбегейлі шешімін тапқалы тұр.