Көшпелі кездесу Тобыл өңірінде өтті
Қостанай қаласындағы А.Байтұрсынұлы атындағы Қостанай өңірлік университетінің мәжіліс залында референдумды қоғамдық қолдау республикалық штабының ұйымдастыруымен Қостанай облысының қоғам өкілдерімен өңіраралық көшпелі кездесуі өтті.
Референдум өткізу жөнінде ел азаматтарының алдына қойылған міндетті жүзеге асыру мақсатында «Қазақстан мәслихаттары депутаттарының бірлестігі» республикалық қоғамдық бірлестігінің бастамасымен өңірлерде қоғамдық штабтар құрылған болатын. Бүгінде олар ел көлемінде ақпараттық-насихаттық жұмыстарды кеңінен және белсенді түрде жүргізуде. Кездесуде белсенді жұмыстар жөнінде де кеңінен әңгімеленді. Ата Заңға енгізілетін өзгерістер мен толықтыруларды қабылдау бойынша өтетін бүкілхалықтық референдумның саяси маңызына кеңінен тоқталып, ақпарат берді.
– Штаб құрылғаннан бері реферндумды халыққа түсіндіріп, сұрақтарына толық жауап беріп жүрміз. Қостанайдан бұрын Түркістан жерінде бас қосқан едік. Бүгін Қостанай жеріне келдік. Референдум – халық билігінің айқын үлгісі, әрбір қазақстандықтың өз азаматтық ұстанымын білдіру арқылы Жаңа Қазақстанды құруға тікелей үлес қосуының жарқын көрінісі. Мемлекет басшысының Жаңа Қазақстанды, Екінші республика құру идеясының референдум өткізуден бастау алуы – тарихи оқиға. Өйткені бұл 27 жылдан кейін өткізіліп отырған екінші референдум. Бұған дейінгі Конституцияға өзгерістер Парламентте талқыланып, енгізіліп келген. Өткізілгелі отырған референдумның тарихи мән-маңызы ол тұтастай ұлттың тағдырына қатысты мәселелерді халықтың талқысына шығару, оның мемлекеттік билікке тікелей қатысуын қамтамасыз ете отырып, демократия негіздерін орнықтыру. Алдымызда үлкен жұмыс тұр, – деді республикалық штабтың және «Қазақстан мәслихаттары депутаттарының бірлестігі» республикалық қоғамдық бірлестігінің төрағасы Төлеубек Мұқашев.
(Толығырақ газет бетінен оқи аласыздар)
