Облыс әкімі дауыс берді

Қостанай облысының әкімі Архимед Мұхамбетов Nur Otan партиясы праймеризінің дауыс беру кезеңін бастап, веб-портал арқылы өз таңдауын жасады. Аймақ басшысы бұл туралы "Инстаграм" желісіндегі парақшасында жазды."17 қыркүйектен бастап Қостанай облысы бойынша партияішілік сайлауға 800 адам қатысуда. 7 қыркүйектен әрбір кандидат ауқымды үгіт-насихат жұмысын жүргізуде. БПҰ мүшелерімен кездесіп, шағым мен ұсыныстар жинап, жария пікірталастарға қатысты. Ал 1-3 қазан аралығында мобильді қосымша және арнайы веб-портал primaries.kz арқылы электронды дауыс беруді өткізу жоспарланып отыр. Дауыс берудің соңғы күні, 3 қазан күні бас­тауыш партия ұйымдарының базасында сайлау учаскелері ашылады. Интернет желісі жоқ елді мекен тұрғындары сайлау учаскелеріне келіп, қағаз бюл­летеньдер арқылы дауыс беруі­не болады. "Nur Otan" партиясының барлық мүшелерін саналы таңдау жасауға және лайықты кандидатқа дауыс беруге шақырамын", – деп жазды облыс әкімі.

Суреттерді түсірген Бердіболат Көркембаев