Екі ауданға әкім тағайындалды
Бүгін өңір басшысы әкімі Архимед Мұхамбетовтің өкімімен Жансұлтан Қоңыртайұлы Таукенов Қостанай ауданының әкімі болып тағайындалды. Бұл туралы облыс әкімінің баспасөз қызметі хабарлайды.
«Қостанай облысының әкімі Архимед Мұхамбетов Қостанай аудандық мәслихатының депутаттарымен келісе отырып, өз өкімімен Қостанай ауданының жаңа әкімі Жансұлтан Таукеновты тағайындады және жергілікті активке таныстырды», – делінген баспасөз хабарламада.
Жансұлтан Таукенов 1975 жылы 5 қазанда Қостанай облысы Амангелді ауданының Байғабыл ауылында дүниеге келген. Білімі жоғары. Бұған дейін «Қостанай облысы әкімдігінің ауыл шаруашылығы және жер қатынастары басқармасы» ММ басшысы қызметін атқарды.
Ал Қостанай ауданының бұрынғы әкімі Виктор Радченко Қарасу ауданының әкімі болып тағайындалды. Оны аудан активіне облыс әкімінің бірінші орынбасары Ғауез Нұрмұхамбетов таныстырды.
Виктор Николаевич Радченко 1967 жылы 1 қарашада дүниеге келген. М.Дулатов атындағы Қостанай инженерлік-техникалық университетін және Қазтұтыну одағы Қарағанды экономикалық университетін бітірген.
Суреттерді түсірген Бердіболат Көркембаев
