Қостанайдан жаңа әуе бағыттары ашылды
Бірінші отандық лоукостер қостанайлықтарды кезекті рет қуантты. Бұған дейін көпшілік Алматы мен Нұр-Сұлтан қалаларына ғана ұшатын еді, енді Шымкент пен Атырауға рейстер ашылмақ. 28 тамыздан бастап, әр сәрсенбі мен жұма сайын Airbus A320 ұшақтары шырайлы Шымкентке жеткізеді. Біржақты билет құны 7999 теңгеден басталады.
1 қыркүйектен бастап, сейсенбі мен бейсенбі күндері әуелайнерлер еліміздің мұнайлы астанасына ұшып барады. Біржақты билет бағасы 6999 теңгеден басталады.
Естеріңізге сала кетейік, Алматыдан ұшу 8999 теңгеден басталса, ал Нұр-Сұлтаннан ең арзан билет құны – 5999 теңге.
