Тауар өндірісі 4,1%-ке өсті

Қызмет көрсету саласындағы іскерлік белсенділіктің 5,6%-ке төмендеуіне қарамастан, елімізде  тауарлар өндірісі 4,1%-ке  өскен. Бұл туралы журналистерге Орталық коммуникациялар қызметі алаңында  ҚР Ұлттық экономика министрі Руслан Дәленов мәлімдеді. Оның айтуынша, экономиканың нақты секторындағы негізгі драйверлер құрылыс (+11,2%) және өңдеу өнеркәсібі (+4,8%) салалары болды. «Өңдеу өнеркәсібіндегі көрсеткіштердің өсуіне автомобиль жасау (46%), фармацевтика (24%), дайын металл бұйымдарын өндіру (20%), жеңіл өнеркәсіп (8%), резеңке және пластмасса бұйымдарын (8%) және қағаз өндіру (15%) есебінен қол жеткізілді», – деді министр.