Тізім 27 адамға ұлғайды

29 маусымдағы мәлімет бойынша, Қостанай облысында коронавирустың симптомды инфекциясын 27 адам жұқтырған.

Сырқаттанып қалғандар – 20-78 жас аралығындағы 12 ер адам және 25-76 жас аралығындағы 15 әйел. 
Емделушілер – облыс орталығының, Қарабалық, Ұзынкөл және Қостанай аудандарының тұрғындары. Олар ЖРВИ белгілерімен түскендіктен, сондай-ақ еоронавирусты бұрын жұқтырған адамдармен байланысқандықтан тексерілді. 
Бұл науқастармен байланыста болған тұлғалар анықталуда, барлығы медициналық бақылауға алынды. Аурудың ошақтарында дезинфекциялық жұмыстар жүргізілді. Эпидемияға қарсы іс-шаралар жалғасады.  
2020 жылдың 29  маусымдағы жағдай бойынша, Қостанай облысында коронавирус инфекциясын жұқтырған 498 адам тіркелді. 232 адам емделіп шықты.