Өтініш қабылдау жалғасуда

Қостанай облысының қалалары мен аудандары әкімдіктері коммуналдық қызметтер шығынын төлеу бойынша азаматтардан өтінім қабылдау және өңдеуді жалғастырып жатыр. 2020 жылдың 28 мамырындағы жағдай бойынша, 33 388 азаматтан өтініш қабылданған, оның ішінде:
– 17 870 өтініш мақұлданды;
– 1 058 өтініш қабылданбады;
– 14 460 өтініш қаралу барысында;
– 227 млн теңге төленді.
Айта кетейік, 28 call-орталық жұмылдырылған. Жұмыста іркіліс жоқ. Қостанай қаласы бойынша телефон нөмірлерінің саны 7-ге дейін көбейтілді. БАҚ-та, әлеуметтік желілерде, интернет-ресурстарда кең ауқымды ақпараттық-түсіндіру жұмыстары жүргізілді.