Жаңа мектеп ашылады
Әулиекөл ауданының Аманқарағай ауылында жаңа оқу жылында мемлекеттік тілде білім беретін 320 орындық жаңа мектеп ашылады. Бұл туралы облыстық Білім басқармасының "Фейсбук" желісіндегі парақшасында жазылды.
Жаңа білім ошағының құрылысын мердігер "Алюминстрой" ЖШС былтыр 21 маусымда бастаған болатын. Жобаның жалпы құны – 1380 млн теңге. Бүгінде бөлінген қаржының көп бөлігі игеріліп, құрылыс-монтаж жұмыстары 90%-ға аяқталған. Барлық инженерлік коммуникациясы жүргізіліп, нысанның ішкі бөлігі толық әзірленіп, жиһаз бен қажетті құрылғылар әкелінген.
Мердігер компания тамыз айына дейін мектеп ауласын абаттандыру жұмысын аяқтайды.
Ал 1 қыркүйекте заманауи талаптарға сай келетін, интерактивті құрылғылармен, спорт кешенімен, физика және химия бөлмелері жаңа модификациямен жабдықталған мектеп оқушыларына есігін айқара ашпақ.
