5 қабаттан құлап кетті
Қостанайда 5-қабаттан құлап кеткен 24 жастағы қыз қалалық ауруханада көз жұмды.
Оқиға бүгін таң кезінде Строительный көшесінде болған. Ол ауруханаға аса ауыр жарақаттармен жеткізілген. Дәрігерлер оның өмірі үшін барынша күрескенімен, құтқарып қала алмады.
"Өкінішке қарай, науқас көз жұмды. Реанимациялық шаралар 1 сағаттан астам уақытқа жалғасқанымен, еш нәтиже бермеді. Сынған жерлері көп, ішкі ағзалары үзіліп кеткен. Жарақаттар қыздың өмірін өлімнен арашалауға мүмкіндік бермеді", – дейді облыстық Денсаулық сақтау басқармасының баспасөз хатшысы Ксения Жылқыбаева.
Қайғылы оқиғаның себептері анықталуда.
