2021 жылы рақымшылық жасалады
ҚР Президенті Қасым-Жомарт Тоқаев 2021 жылы Қазақстанда қылмыстық жауапқа тартылғандарға рақымшылық жасалатынын айтты, – деп хабарлайды Tengrinews.kz тілшісі Ақордаға сілтеме жасап.
![токаев](https://old.kostanaytany.kz/wp-content/uploads/2020/10/tokaev.jpeg)
Нұр-Сұлтанда Тоқаевтың төрағалығымен ІІМ-нің кеңейтілген алқа отырысы өтті. Онда ішкі істер органдарының биылғы тоғыз айда атқарған қызметінің қорытындылары мен Президент тапсырмаларының орындалу барысы қаралды.
![92995a3513e8d53c6a6f2728a682ce7b](https://old.kostanaytany.kz/wp-content/uploads/2020/10/92995a3513e8d53c6a6f2728a682ce7b.jpeg)
"Президент өз сөзінде келесі жылы Қазақстан Тәуелсіздігінің 30 жылдығына орай, заңға сәйкес азаматтар мен тұтастай мемлекеттің қауіпсіздігіне елеулі қатер төндірмейтін қылмыстар үшін жауапқа тартылғандарға рақымшылық жасалатынын мәлімдеді", – делінген хабарламада.
Тоқаев полиция қызметін цифрландыру, есірткінің заңсыз айналымына қарсы күресті күшейту, отандық пенитенциарлық жүйенің жағдайын жақсарту қажетін де айтты.
![images (1)](https://old.kostanaytany.kz/wp-content/uploads/2020/10/images-11.jpg)
"Елдегі күрделі әлеуметтік-экономикалық жағдай аясында қылмыстың күшеюіне және түрме субмәдениетінің таралуына еш жағдайда жол беруге болмайды. Министрлік қылмыстық-атқару жүйесінің проблемаларын шешуде нақты нәтижелерді көрсетуі тиіс", – деді Мемлекет басшысы.