Тағы екі адамнан коронавирус анықталды

Қостанай облысында коронавирустық инфекцияның 2 жағдай тіркелді (2020 жылғы 12 мамырда сағат 10.00-дегі мәліметі бойынша).

COVID-19  Атырау облысындағы Теңіз кен орнында вахталық әдісімен жұмыс істейтін 1957 және 1974 жылғы екі ер кісіде анықталды.  Тұрақты мекенжайы бойынша үй карантинінде болған. 

Қазіргі таңда науқастар Денисов аудандық орталық ауруханасының инфекциялық бөліміне жатқызылды. Бекітілген хаттамаға сай ем алып жатыр. Байланысқан адамдар анықталуда және оқшаулануда. 

Ауру ошақтарында дезинфекциялық жұмыстар жүргізіліп жатыр.  

Бүгінді таңда Қостанай облысында COVID-19 инфекциясымен 68 адам тіркелді.

Қостанай облысы әкімдігінің ақпараттық штабы.