Қалаға кіруге рұқсат берді
Қашар кенті, Железорудная стансасы мен Перцев ауылының тұрғындары бұдан былай Рудный қаласына емін-еркін кіріп шыға алады. Бұл туралы қала әкімі Бақытжан Ғаязов әкімдік аппаратының инстаграмдағы парақшасында мәлімдеді.
«Рудный қаласының әкімшілік-аумақтық құрамына бірнеше елді мекендер кіреді. Олар мен біздің қала арасындағы қашықтық айтарлықтай. Ал ауыл тұрғындары сапалы медициналық қызметке, азық-түлік тауарлары мен дәрі-дәрмектерді сатып алуға, қарт ата-аналарына барып-келуге құқылы. Осыған байланысты азаматтарға жоғарыда аталған себептер бойынша қалаға кіруге рұқсат ету шешімі қабылданды» – делінген әкім үндеуінде.
Бақытжан Темірұлы аталған талаптардың орындалуына ауыл әкімдіктері жауапты екендігін айтады. Яғни олар Рудныйға барамын деуші азаматтарына бір жолғы рұхсат қағазын беруі тиіс.
Қуаныш ЕСҚАБЫЛ
