Мектептерде соңғы қоңырау болмайды
Бұл коронавирус инфекциясының таралу қаупіне байланысты.
Қазақстан мектептерінде соңғы қоңырау соғылмайды, деп хабарлайды Интернеттегі брифингте ҚР Білім және ғылым вице-министрі Шолпан Каринова.
Жылда оқу жылының соңында мектептерде соңғы қоңырау соғылып, арнайы жиын өтеді. Бұл – мектеп оқушыларының қатысуымен өтетін салтанатты шара. Бірақ биыл, қазір сабақ қашықтықтан жүргізіліп жатуына және коронавирус мәселесіне байланысты ол (соңғы қоңырау), болмайды, – деді Шолпан Каринова.
