7 ай бойы іздеуден кейін

Рудный полицейлері іздеуде жүрген күдіктіні ұстады. Бұл туралы облыстық Полиция департаментінің баспасөз қызметі хабарлайды. 5 миллион теңге көлеміндегі алтын бұйымдарын ұрлаған күдікті Қызылорда қаласында жеті айдан кейін қолға түсті.

«Қылмыскер өткен жылы 30 тамызда Рудный қаласының "ГУМ" дүкенінен зергерлік бұйымдарды ұрлаған. Ол сауда орнына жертөле арқылы кірген. Барлық оқиғалар бейне бақылау камерасына түсті, бірақ оның түрі көрінбеді. Қылмыс жасағаннан кейін күдікті дереу бой тасалаған. Полиция күдіктінің сыбайластарын ұрланған зергерлік бұйымдарды сату кезінде ұстаған болатын және 32 жастағы рудныйлықты анықтап, оған іздеу жариялады. Алтын бұйымдардың бір бөлігі қаланың ломбардтарынан алынды», – делінген ақпараттық хабарламада.

 

 

Тергеу барысында ер адамның Петропавл және Шымкент қалаларында бой тасалағаны анықталды. Жедел іздестіру шарасы барысында ол Қызылорда қаласында қолға түсті. Қазіргі уақытта сотқа дейінгі тергеу жалғасуда. Сондай-ақ, күдікті бұған дейін де ауыр қылмыс жасағаны –  тонау, есірткі мен қаруды заңсыз сақтағаны үшін сотталған.

 

Қ.ҚИЫСХАН