Ескерту жасаймын деп соққыға жығылды
3 сәуір күні таңертең Қостанайда №11 маршруттық автобус жүргізушісін жолаушы соққыға жыққан деп хабарлайды облыс әкімдігі жанындағы ақпараттық штаб.
«Қоғамдық көлік жүргізушісі жолаушыны маскасыз автобусқа кіргізбеген және шығуын өтінген, алайда жас жігіт талапты елемеген. Бұзақы жолаушы жүргізушіні жұдырықпен ұрып, автобустан қашып кеткен. Оқиға туралы 102 пультіне хабарланған. Іздестіру барысында Қостанай қаласының 31 жастағы тұрғынын ұстады. ҚР ҚК 293 бабы бойынша тергеу басталды», – делінген ақпараттық хабарламада.
