Маска тақпасаңыз, жазаға тартыласыз

by Qostanaı tańy · 03.04.2020

Маскалық режимді бұзу облыстың бас мемлекеттік санитарлық дәрігерінің қаулысына қайшы әрекетке саналып, ҚР Әкімшілі құқық бұзушылық туралы кодексінің 476-бабы бойынша жауапкершілікке тартылады. Нақтырақ айтқанда, тәртіп бұзғандар 10-нан 500 АЕК көлеміне дейін айыппұл арқалауы немесе 15 тәулікке қамауға алынуы мүмкін.

Бұл шаралар заңды және жеке тұлғаларға бірдей қолданылады. Қостанай қаласы әкімінің орынбасары Андрей Финктің айтуынша, ережеге бағынбағандарға ешқандай ескерту жасалмайды, бірден сот тәртібі бойынша жазалау шарасы қабылданады. Ал маска кимеген адам короновирус инфекциясына шалдығып, оны өзгелерге жұқтырған болса, ол қылмыстық немқұрайлылығы үшін 5 жылға дейінгі бас бостандығынан айыру түріндегі қылмыстық жауапкершілікке тартылады.

Мәлімет бойынша, бүгінде Қостанайда 20-дан астам кәсіпорын маска тігіп жатыр. Оны "№59 дәріхана "Цветная" дәріханалар желісінен сатып алуға болады.

Айта кетейік, 2 сәуірден бастап барлық азамат тек автобустарда және қоғамдық орындарда ғана емес, көшеде де маска киіп жүруге міндетті. Бұл тәртіпке қостанайлықтардың жауапкершілікпен қарап жатқанына мына суреттер дәлел бола алады.