Қазақстан әскері әлеуетін көрсетті
Қостанайлықтар Жамбыл облысы, «Отар» әскери базасындағы жауынгерлік парадты тіклей эфирден тамашалады. Айта кетейік, шараға ҚР Қарулы Күштерінің Жоғарғы Бас қолбасшысы Нұрсұлтан Назарбаев қатысты. Әскери шеруді тікелей эфирден көру үшін Ш.Қабылбаев атындағы Қостанай полиция академиясының 110 курсанты облыстық әкімдіктің алдына жиналды.
Аталған шеруде 300-ден астам әскери техника, 40-қа жуық авиация техникасы таныстырылды. Әскери бөлімшелер техникалардың заманауи үлгілерін іс жүзінде қолдану тәсілдерін көрсетті.Соңғы рет жауынгерлік парад 2013 жылы өткен болатын.
Белгілі болғандай, жауынгерлік парадта Қазақстан Республикасы Президентінің 2015 жылғы 25 желтоқсандағы Жарлығына сәйкес құрылған аймақтық қорғаныс бригадаларының жауынгерлік туы облыстардың, Астана және Алматы қалаларының әкімдеріне табыс етілмек.
Сондай-ақ, бүгін Ұлттық қауіпсіздің комитеті облыстық департаментінің қызметкерлері ардагерлерге құрмет көрсетті. Екінші дүниежүзілік соғыста қаза болған жауынгерлер тақтасына гүл шоқтарын қойды.
Суреттерді түсірген Бағдат Ахметбеков
