Мейірімділікке баулыған шара

Қостанай қаласындағы №29 орта мектебінде "Рухани жаңғыру" бағдарламасы аясында және Абайдың 175 жылдығын орай «Махаббат және шығармашылық» онкүндігі өтті. Онкүндіктің алғашқы күні «Өзін-өзі тану»: Махаббат пен Шығармашылық» тақырыбында салтанатты ашылу жиыны өткізілді. Жиында онкүндіктің мақсаты, жоспары таныстырылды. Дәстүрлі онкүндікті оқушылар, үлкен қуанышпен қарсы алды. «Жүректен шуақ шашамыз» тақырыбында сурет көрмесі ұйымдастырылды. Сурет, қолөнер байқауына 1-10 сынып оқушылары қатысты. Оқушылар салған суреттері өз үйлесімділігін тауып, отбасы құндылықтары, ананың балаға деген махаббаты, достық сынды тақырыптарды бейнелеу арқылы өз ойларын жеткізе алған.  

1-10 сынып аралығында «Махаббат және шығармашылық» тақырыбында танымдық сабақтар, ашық сабақтар өткізілді.

"Бастауыш сыныптар арасында ашық сабақ, аңыз әңгімелерден көрініс қойылымдар көрсетілді, оқушылар қойылымдарды қою кезінде адам бойынан табылатын жақсы құнды қасиеттерді көрсетіп, тәрбиелік жағын жақсы аша білді", – дейді №29 орта мектеп директорының тәрбие ісі жөніндегі орынбасары Шолпан Оспанова.

Оқушылар арасында ән-би концерті өткізілді, қатысушы балалар ана туралы әндерді зор ықыласпен орындады.

Шұға Қоңқабаева

Суреттерді түсірген Бағдат Ахметбеков