Жүргіншіні соғып кетті
Жолдағы оқиғалардың басым бөлігі жүргіншілердің көшеден белгіленбеген жерден өтуімен байланысты. Облыста жол жүрісін бұзудың осындай 3557 жағдайы тіркелген.
15 қыркүйек күні Қостанайда Таран-Алтынсарин көшелерінің қиылысында 22 жастағы қостанайлық көшеден белгіленбеген жерден жүгіріп өтпек болды. Қарсы келе жатқан "Лада-Приора" машинасының жүргізушісі тежегішті басып үлгірмеді. Машина соққан жүргінші жарақат алып ауруханаға түсті.
Лисаков қаласында "Деу Нексия" автомобилінің жүргізушісі рульге ие бола алмай қалып, 56 жастағы жүргіншіні соғып кетті. Жүргінші ауруханаға түсті. Жүргізушіге қатысты әкімшілік материал жинақталды.
