Мақсат ел намысын қорғайды
Грек-рим күресінен халықаралық дәрежедегі спорт шебері Мақсат Ережеповтың есімі жанкүйер қауымға кеңінен таныс. Салмағы 71 келі – Мақсат жауырыны жерге тимейтін балуан. М.Ережеповке үлкен жауапкершілік жүктелді. Оған Азия ойындарына қатысуға жолдама берілді.
Қыркүйек айының отызында Оңтүстік Кореяда басталатын жарыс-та Мақсат еліміздің намысын қорғайтын болады. Айта кету керек, Азия ойындары төрт жылда бір рет өткізіледі.Мұндай сынға кез келген спортшыға жолдама берілмейтіні анық. Жасы жиырма төртке толған М.Ережепов айтулы жарысқа лайықты азамат.
– Азияның Қазақстан, Жапония,Өзбекстан және басқа елдері қатысатын додалы жарыста Мақсат намысқа тырыса алады, – дейді еңбек сіңірген бапкер Владимир Матвиенко.
Ермекбай
ХАСЕНОВ
