Меңдіқара ауданының әкімі тағайындалды
Меңдіқара ауданының әкімі болып Нұрлан Қатарбеков тағайындалды. Бүгін аудандық мәслиxатпен келісе отырып жергілікті активке жаңа басшыны облыс әкімінің бірінші орынбасары Ғауез Нұрмұхамбетов таныстырды. Бұл туралы облыс әкімдігінің баспасөз қызметі Facebook әлеуметтік желісінде хабарлады.
Нұрлан Женісұлы 1981 жылы Қостанай қаласында дүниеге келген. Ол бұған дейін «Қостанай облысы әкімдігінің құрылыс, сәулет және қала құрылысы басқармасы» мемлекеттік мекемесінің басшысы қызметін атқарды.
