Полицейлер қызметімен танысты

Қазақстан полициясы күні қарсаңында Қостанай қаласының тұрғындары полицияның қалай жұмыс істейтінін көрді. Бүгін Қостканай облысы Полиция департаментінде Ашық есік күні өтті. Ішкі істер органдарының ардагерлері мен қызметкерлері полицияның қару-жарағын және әскери техника мен жедел басқару орталығының жұмысын көрсетті. Сондай-ақ, келушілер полиция мұражайында ішкі істер органдарының қалыптасуының негізгі кезеңдерімен танысты. Мәселен, Жұмасұлтановтар Ашық есік күніне бүкіл отбасымен келген. Оларға Жедел-криминалистикалық басқармасы ұсынған экспозиция ерекше ұнады. Мұнда георадар, топырақта түрлі заттарды табуға көмектесетін құрал бар. Сондай-ақ, көздің жасырын дақтарын, соның ішінде қанын көруге болатын жарық көздерінің жиынтығы. Одорологиялық чемодан-қылмыс орнынан иіс іздерін алуға арналған.

– Маған полицияның қалай жұмыс істейтінін білу өте қызықты болды. Мұнда жұмыс істеуге және қылмысты ашуға көмектесетін техникалар көп. Осындай іс-шара маған көп әсер қалдырды, – дейді Жадыра Жұмасұлтанова.

Көптеген полиция қызметкерлері іс-шараға өз балаларын ерте келген. Полиция департаментінің Жедел-криминалистикалық басқармасының орынбасары полковник Людмила Гарашова қызының Анабель анасының жұмысын көріп қуанды.

– Кәсіби мереке қарсаңында біз күрделі, бірақ өте қажетті мамандықты таңдағанымызды мақтан тұтамыз. Мүмкін менің қызым да менің ізімді жалғайды, – дейді Людмила Гаражова.

Бұл күні ашық аспан астында фронт-кеңсе жұмыс істеді. Әр түрлі қызмет мамандары азаматтарға кеңес берді. Халықтың көбі кадр қызметіне жүгінді. Бүгін заң факультеттерінде оқитын көптеген студенттер өз өмірін осы мамандықпен байланыстыруды армандайтынына куә болдық. Бұл күні қызметте көзге түскен және ерлік жасаған қызметкерлерді салтанатты марапаттау рәсімі де өтті. Полиция департаментінің бастығы полиция генерал-майоры Бекет Аймағамбетов бүгінгі күні полицияда үлкен өзгерістер жүріп жатқанын атап өтті. Кәсіптің беделі өсудн, жалақы өсуде, қызметте мансаптық өсу мүмкіндіктері кеңейтілуде, қызметкерлер үшін әлеуметтік пакет күшейтілуде. Бірақ бір мезгілде қоғам тарапынан полицияға қойылатын талаптар да өсуде. Бүгінде оларға сәйкес келу қажет. Департамент бастығы әріптестеріне өз ісіне лайықты қызмет етуді және өз абыройын сақтауды тіледі. Қала тұрғындары үшін полиция қызметкерлерінің күшімен концерт ұйымдастырылды. Осы күні бір жарым мыңнан астам қала тұрғыны тәртіп сақшыларының жұмысын көріп шықты.

 

Кенже Қонысбай,

Қостанай облысы ПД баспасөз қызметі