AIMAQTA QANDAI HABAR BAR?
Oblysta. 1 shildeden bastap, aımaq analogtyq habar taratýdan sıfrlyq formatqa kóshedi. Az qamtylǵan azamattar búdjet esebinen sıfrlyq qurylǵylarmen qamtylady. Búginde 687 qurylǵy satyp alynǵan. Aýdandardy jabdyqtaý jumystary qolǵa alyndy. Qoldanystaǵy habar taratý formaty 24-26 maýsym aralyǵynda aǵytylady. Al jańa qurylǵymen qamtý jumystary 14 qarashaǵa deıin jalǵaspaq.
Qostanaı. QR İshki ister mınıstrliginiń Shyraqbek Qabylbaev atyndaǵy Qostanaı akademıasy túlekteri 11 muqtaj otbasyǵa azyq-túlik, kıim-keshek túrinde qaıyrymdylyq jasady. Igi is-sharaǵa Qostanaı qalalyq «Jaılaýbaı ata» meshitiniń ujymy jáne jamaǵaty bir kisideı atsalysty. Maqsat – kóp balaly, kómekke zárý, turmysy tómen, múgedek balalardy asyrap otyrǵan otbasylarǵa materıaldyq demeý berý.
Fedorov. Bolshoı aýyly kúni alatyp ótti. Ol "Meni Otanym jibergisi kelmeıdi" dep ataldy. Toıǵa aýyl azamattary jan-jaqtan jınalyp, jergilikti turǵyndar men jastar qatysty. Fedorovtyqtardy oblystyq fılarmonıanyń ónerpazdary quttyqtaı bardy. Bul – jyl saıynǵy dástúrge aınalǵan aýyl merekesi.
Jat páterin jalǵa bergen
Rýdnyı. Qalalyq sot ózine tıesili emes páterdi jalǵa bermek bolǵan áıelge úkim kesti. Ol habarlandyrýdy birneshe ret "OLX" jelisine ornalastyrǵan. Ol buǵan deıin de osyndaı qylmys jasaǵany úshin jazalanǵan. Azamat sotta kinásin tolyq moıyndady. Aıypker 3 jyl bas bostandyǵynan aıyrylady. Sondaı-aq, páter ıesine 300 myń teńge tóleıdi. Jazasyn qaýipsizdigi ortasha qylmystyq-túzetý mekemesinde óteıdi.
Naýyrzym. Qoryq aýmaǵynda qurǵaq shóp órtendi. Tilsiz jaý Naýryzym memlekettik tabıǵı qoryǵynyń aýmaǵynda «Bas naýryzym» shatqalynda órshigen. Zardap shekken jandar joq. Osy oqıǵaǵa deıin, bir kún buryn qoryq mańynda órtke qarsy oqý-jattyǵý jıyny ótken…
Lısakov. Qutqarý jasaǵy qala mańyndaǵy Oktábrskı, Novoıınov, Bogorodskı aýyldaryna jaqyn Tobyl ózenin tintýde. Súńgýirler men polıseıler iz-tússiz joǵalyp ketken 28 jastaǵy rýdnyılyqqa izdeý salyp jatyr. Ókinishke qaraı, izdeý sharalary nátıje bergen joq.
Sport merekesi
Amangeldi. Aýdandyq «Jalyn-2019» jazǵy halyqtyq sport oıyndary spartakıadasy bastaldy. Sharaǵa aýyl ákimderi bastaǵan barlyq komandalar sherý jasap keldi. Aýdan ákimi Á.Asanov quttyqtaý sóz sóılep, mádenıet jáne sport salasynyń damýyna úles qosqan birqatar azamatqa marapat tabystady. Ashylý saltanaty «Ónerimiz saǵan, Qazaqstan!» atty Jastar jylyna arnalǵan ХХХІІІ oblystyq halyq shyǵarmashylyǵy kórkemónerpazdar festıvaliniń qorytyndy gala-konsertimen jalǵasty.
