Жүргізуші әкімшілік қамауға алынды
Қостанайда ашық сот отырысы болып, жол-көлік апаты болған жерден қашып кеткен 36 жастағы жүргізушінің ісі қаралды.
Оқиға 17 шілде күні Қостанай қаласындағы Қайырбеков көшесінде болды. 2015 жылдың наурыз айына дейін көлік құралын басқару құқығынан айырылғанына қарамастан көлік жүргізіп жолда жүру ережесін бұзып, "Ниссан" автомобилін соғып, оқиға бол-ған жерден кетіп қалған жүргізуші жауапкершілікке тартылды. "Кінәмді толық мойындаймын. Құжаттарым болмаған соң қор-қып, оқиға болған жерден кеткенім рас",– деді айыпталушы.
Мемлекеттік қорғаушы сотталушының кәмелетке толмаған екі баласының бар екенін ескеріп, айыппұл түріндегі жазаны бел-гілеуді сұрады. Алайда, мамандандырылған әкімшілік сотының судьясы Ә.Әмірғалиева келтірілген дәлелді дәйекті деп таппай, 45 тәулікке әкімшілік қамауға алу жазасын белгіледі.
Жол-патруль полициясы бөлімінде өткен ашық сот отырысына студенттер мен автомектептер оқушылары қатысты.
Жалпы жыл басынан бері 20 мыңдай жүргізуші әкімшілік жауапкершілікке тартылып, 86 миллион теңге айыппұл өндірілді, сондай-ақ 60 жүргізуші әкімшілік қамауға алынды.
