Есірткі сатқан күдікті құрықталды

Қостанай облысының қылмыстық істер жөніндегі мамандандырылған ауданаралық сотына ҚР ҚК-нің 259 бабы 3 бөлігінің “б, в” тармақтары бойынша Рудный қаласының тұрғыны азамат В.-ға қатысты қылмыстық іс түсті.

Айыпталушы заңсыз героинді алты полиэтиленді орамға салып, кейін өзінің қылмыстық әрекетін жасыру мақсатында оларды Рудный қаласындағы үйінің жанындағы өз бақшасында көміп тастаған. Осылайша, ол жалпы салмағы 24,64 грамм көлеміндегі есірткі затын сатпақшы болған. Бірақ, көп ұзамай күдікті полиция қызметкерлерінің “жедел сатып алу” әдісі бойынша өткізген жедел-іздестіру шарасы кезінде қолға түседі.

Есірткі затын заңсыз сақтап және бірнеше рет сатқан В.-ға қатысты қылмыстық іс бойынша алдын ала тыңдау 2014 жылдың 10 қыркүйегіне тағайындалды.

 

Қарлығаш Оспанова