Балғындарға базарлық
Федоров аудандық балалар кітапханасында "Демалыс оқылымы" акциясының қорытындысы ретінде әдеби кеш өтті. Жаз бойы балғындардың кітапқа деген қызығушылығын арттырған игі бастама баршаның көңілінен шықты.
Тағылымдық тәлім-тәрбиесі мол басқосудың бұл жолғы тақырыбы балалар жазушысы Сергей Козловтың әңгімелеріне арналды. Әдеби кеш барысында бүлдіршіндер "Ежик в тумане" ертегісін сахналады. Сонымен қатар жазушының шығармалары желісінде түсірілген мультфильмдер көрсетіліп, түрлі сайыстар өткізілді.
Мешіт Ғазиз.
