Үздік мектеп іріктеледі

Қостанайда оқушылар арасындағы «SportFEST Kazakhstan» атты оқушылар арасындағы кең ауқымды республикалық жобаның іріктеу кезеңі басталды. Бұған облыстың барлық аудан-қаласынан 600 шақты үміткер қатысуда. 

Қатысушылар жасөспірімдер арасындағы футзалдан, әскери-қолданбалы спорт түрлерінен, шахматтан, үстел теннисінен, қыздар арасында баскетболдан және ұлттық ойын тоғызқұмалақтан сынға түспек.

 

Бүгін облыстық іріктеудің екінші күні. Суырылып шыққандары ең үздік команда Щучинск қаласында маусым айында өтетін сында, республиканың ең спортқа бейім мектебін анықтайтын бәсекеде бақ сынасады.Айта кетейік, Қостанай облысында бәсекеде қолданылған барлық спорт құрал-жабдығы "Абай негізгі мектебі" ММ-не сыйға берілмек.

Бұл жарысты ұйымдастырушы – "Самрұқ-Қазына" АҚ компаниясының құрамына енетін "Samruk-Kazyna Trust" әлеуметтік жобаларды дамыту қоры. Бұл жоба "Менің елім" әлеуметтік инвестициялар бағдарламасы аясында қолға алынып отыр.

 

Материал мен суреттер SportFEST Kazakhstan-ның фейсбук желісіндегі парақшасынан алынды