AIMAQTA QANDAI HABAR BAR?
Oblysta. Oblys ákimdiginiń İshki saıasat basqarmasy «Rýhanı jańǵyrý» baǵdarlamasy men «Uly Dalanyń 7 qyry» maqalasyn ınternet-keńistik pen áleýmettik jelilerde aqparattyq ilgeriletý aıasynda «Sana serpini» onlaın-baıqaýyn jarıalady. Bul baıqaýǵa kez kelgen turǵyn qatysyp, baǵyn synap, baǵaly syılyqtar utyp ala alady.
Kóshe eki aıǵa jabyldy
Qostanaı. Qurylys-montaj jumystaryna baılanysty, 12 sáýirden 15 maýsymǵa deıin Pavlov kóshesiniń Altynsarın kóshesi men Abaı dańǵyly aralyǵyndaǵy ýchaskesi jabylady. Ýaqytsha qolaısyzdyqtarǵa baılanysty "Qostanaı qalasy ákimdiginiń TÚKSH JK jáne AJ bólimi" MM qala turǵyndarynan túsinistikpen qaraýdy ótinip otyr.
Sýısıdtiń joly kesildi
Rýdnyı. "102" púltine er adam áldekimniń óz-ózine qol jumsamaq bolyp jatqany týraly habar bergen. Sýısıdtik áreket bolǵaly jatqan jerge qalalyq QP polısıa avtobaqylaý qyzmetkerleri jóneltiledi. Áldebir áıeldiń óz ómirimen qosh aıtysýǵa oqtalǵan. Poıseıdiń biri áıeldi tilge tartýǵa árekettenip jatqan kezde, ekinshisi dálizdiń mańdaıshasyna órmelep shyǵyp, tóbeniń shetinde turǵan jankeshtini qutqaryp qalǵan. Osylaısha, sýısıd áreketiniń joly kesildi.
Mal ıesi aıyppul arqalady
Amangeldi. Qostanaılyq polıseıler jaıylymda júrgen 18 jylqyny tapty. Buǵan deıin Amankeldi aýdanyndaǵy sharýashylyq ıesi birneshe ret polısıaǵa jylqylarynyń joǵalǵany týraly aryz jazǵan. İzdestirý sharalary barysynda polısıa qyzmetkerleri Qumkeshý aýylynan 18 shaqyrym jerde jaıylyp júrgen 18 jylqyny tapty. Polısıa úı janýaryna salǵyrt qaraǵan sharýashylyq ıesin jazaǵa tartty. Oǵan salynǵan aıyppul – 20 AEK.
Uryny zeınetker ustady
Taran. Aýdan turǵyny Bolat Jamankózov qoımadan metal zattaryn urlap jatqan kúdiktini qolǵa túsirdi. Zeınetker temir urlamaq bolǵan kúdiktini tártip saqshylaryna tapsyrdy. Qazirgi ýaqytta bul fakt boıynsha qylmystyq is qozǵaldy. Taran aýdandyq polısıa bólimi uryny qolǵa túsirgen zeınetkerge alǵys jarıalady.
Másele – ıt atý
Denısov. Aýdan mańaıynda qyrylǵan ıtterdi turǵyndar sýretke túsirgen. Kýágerler atylǵan ıtterdiń óltirilgen jerlerinde qalǵanyna ókpeli. Aýdan veterınarlary qańǵybas ıtterdi jappaı atý isine kirskenimen, ólekselerdi jınaý jumysyna kóńil bólinbeı jatqan kórinedi. Al jergilitki bılik arnaıy tehnıkany kútip otyrǵandaryn aıtyp, jergilikti turǵyndardy tynyshtandyryp álek.
Sábı qolynan aıyryldy
Jangeldın. Arqalyq-Torǵaı tas jolynda jol-kólik oqıǵasy bolyp, saldarynan bir azamat qolynan aıyryldy. "Mazda-323" kóligin tizgindegen júrgizýshi rólge ıe bola almaı qalyp, jol jıegine aýdarylyp ketken. Bir jarym jastaǵy qyz japa shekti. Olbystyq balalar aýrýhanasyna jetkizilgen jetkinshektiń bir qolyn kesip tasıtaýǵa týra keldi. Júrgizýshi ústinen qylmystyq is qozǵaldy.
