Қос қаламгер лауреат атанды
Қазақстан Жазушылар Одағы Секретариат мәжілісі шешімімен 2019 жылдың 5 сәуір күні Қазақстанның 19 қаламгеріне Халықаралық "Алаш" әдеби сыйлығы берілді. Олардың қатарында жерлестеріміз – жазушы Қайсар Әлім мен ақын Серікбай Оспанов бар. Бұл ақпарат "Қазақ әдебиеті" газетінде жарияланды.
Бұл сыйлық қаламгерлердің 2017 және 2018 жылғы еңбектері үшін беріліп отыр. Қайсар Әлімге "Міржақыптың оралуы. Возвращение Миржакипа" атты екі тілдегі хикаят сапарнамасы үшін табысталса, Серікбай Оспанов "Алқоңыр" өлеңдер жинағы үшін лауреат атанды. Мерейлі жерлестерімізді "Қостанай таңы" газетінің атынан шын жүректен құттықтаймыз. Бұл әдеби сыйлық даңқты қаламгерлеріміздің шабытын шыңдай түсіп, тың ізденістерге даңғыл ашады деп сенеміз! Шығармашылық табыс тілейміз!
