AIMAQTA QANDAI HABAR BAR?

35 aýyl tasqynǵa daıyn emes

Oblysta.Tasqyn qaýpine betpe-bet kelýge barlyq aýdan tas-túıin daıyn bolmaı shyqty. Mamandardyń anyqtaýynsha, 35 eldi mekende qar tazalaý jumystary júrgizilmegen. Aryqtar men sýaǵarlar kúl-qoqystan tazartylmaǵan. Ózen sýy arnasynan asqan jaǵdaıda turǵyn úılerdiń apatqa dýshar bolýyna sebepker bolýy múmkin. Osy sebepten selolyq okrýgterdiń ákimderine qatań eskertý jasaldy. 

 

Jańa avtobýs paıda boldy
Qostanaı. Qalada №42 marshrýttyq avtobýs jolaýshylar tasymaldaı bastaıdy. Ol jolaýshylardy qalalyq zırat mańyndaǵy aıaldamaǵa deıin aparady. Bul avtobýs ár senbi-jeksenbide saǵat tańǵy 8.00-den keshki 18.00-ge deıin jumys isteıdi. Ázirge bir ǵana kólik qyzmet kórsetedi. 

 

Otbasyny ottan qutqardy

Lısakov. Qala turǵyny Naǵmar Erdáýletov bir otbasyny órt ishinen alyp shyqty. Ol – 20 qyzmet etken burynǵy órt sóndirýshi. Kórshi páterde tutanǵan tilsiz jaýdan arnaıy kómek kelmesten buryn januıany qutqaryp qalǵan. Bul erligi úshin Naǵmar qala ákiminiń maqtaý qaǵazymen marapattaldy.

 

Balyqtar nege qyryldy?
Jangeldın. Aralbaı aýyly mańyndaǵy ózenniń balyqtary qyrylyp qalǵan. Mamandar sózinshe, mundaı jaǵdaı 5-6 jylda bir ret qaıtalanady. Buǵan muzdyń ýaqytyly erimeýi sebep bolýy múmkin. Jergilikti bılik aýyl turǵyndaryn jumyldyryp, balyqtardy ózennen shyǵaryp, dalaǵa kómdi. arnaıy saraptama júrgizilgen joq.

Ázilkeshter tartysy
Arqalyq. Oblystyq qazaq jasóspirimder teatrynda "Jaıdarman" qalalyq ashyq lıgasynyń «Maýsymashar – 2019» festıvali ótti. Bıylǵy maýsym taqyryby jastar jylyna oraı «Bizdiń ýaqyt» dep ataldy. Festıválge barlyǵy 21 komanda qatysty. Nur-Sultan, Qostanaı qalalarynan jáne Qaraǵandy oblysynan Esil, Amankeldi jáne Arqalyq qalasynyń JOO oqý oryndary men mektep quramalary qatysty. «Maýsymashar – 2019» kýbogi Amankeldi aýdanynyń quramasyna berildi.