К.ШӘМШИДИНОВА БІЛІМ НЫСАНДАРЫНДА

Үкімет басшысының орынбасары Г.Әбдіқалықова бастаған жұмыс тобының құрамында өңірге Білім және ғылым министрі Күләш Шәмшидинова келді. Білім министрі «Жанұя» балалар орталығына бас сұқты. Мұнда ата-ана қамқорлығынан айырылған 44 жетімек отбасылық үлгіде тәрбиеленіп жатыр. Оларға 18 педагог қамқорлық етеді.  Министр орталық жұмысымен танысып, балғындармен, тәрбиеші-ұстаздармен әңгімелесті.

 

К.Шәмшидинова түстен кейін Затобол кентінде өтетін жиынға қатысып, білім саласы қызметкерлерімен, көп балалы ата-аналармен, аз қамтылған отбасылармен кездеседі. Одан кейін Білім министрі Қостанай политехникалық жоғарғы колледжінде WorldSkills біліктілік орталығының жұмысымен танысып, Директорлар кеңесі өкілдерімен жиын өткізеді. А.Байтұрсынұлы атындағы Қостанай университетіне барып,  студенттермен, серпіндіктермен кездеседі.

Білім министрі «Озат» мамандандырлған ақпараттық технологиялар мектеп-лицей-интернатына барып, заманауи білім ошағының жұмысымен танысады. IT-лицей былтырғы оқу жылының басында «Цифрлық Қазақстан» бағдарламасы аясында ашылған. Қазіргі таңда мұндағы 7-8 және 11-сыныптарда жаратылыстану-математикалық пәндер бағыты бойынша 174 дарынды оқушы білім алып жатыр.

К.Шәмшидинованың өңірдегі жұмыс сапары ертең Әулиекөл ауданында жалғасады.